Qoraqalpog'iston Respublikasi Chimboy tumani hokimligi

Chimboy tumani prokurori R.T.Xalmuratovning tuman aholisiga profilaktik -ogohlantiruvchi MUROJAAT

Assalomu alaykum, hurmatli tuman aholisi!

Muhtaram Prezidentimizning tashabbuslari va bevosita rahbarligida barcha sohalarda keng ko‘lamli islohotlar amalga oshirilmoqda.

Prezidentimiz ana shu yangilanish, o‘zgarishlarning samarali bo‘lishining kafolati sifatida mamlakatda tinchlik va totuvlikni ta’minlash, buning uchun jinoyatchilikka qarshi kurashish tizimini tubdan yaxshilashni davlat siyosatining eng ustuvor yo‘nalishlaridan biri darajasiga ko‘tardi va amaliy ishlarga kirishildi.

"Yangi O‘zbekiston"da huquqbuzarlik va jinoyatchilikka qarshi kurash ana shunday umummilliy dolzarb vazifaga aylantirildi.

Aziz fuqarolar, Sizlarga huquqbuzarliklar va jinoyatlarning oldini olish bo‘yicha dastlabki, bajarilgan ishlar va tahlillar natijalari yuzasidan axborot bermoqchiman.

Tinchlik-osoyishtalikni ta’minlash tumanimizda jinoyatlarning sabablarini "mahallabay" va "tarmoqbay" muhokama qilish tartibi, mahallalarni kriminogen darajasini baholash tizimi, "mahalla yettiligi" instituti, "ijtimoiy profilaktika" tamoyili asosida huquqbuzarliklar profilaktikasini amalga oshirish amaliyoti doirasida aholda xavfsizlik hissini shakllantirish yo‘nalishida bir qator samarali chora-tadbirlar amalga oshirilmoqda.

Har bir mahallada huquqbuzarlikning barvaqt oldini olish, kriminogen vaziyatni barqarorlashtirish bo‘yicha yangi mexanizm joriy etilib, mening rahbarligimda idoralararo muvofiqlashtiruvchi shtab faoliyati yo‘lga qo‘yildi.

Tumandagi 22 ta mahallaga mas’ul rahbarlar nomma-nom biriktirilib, barcha mahallalarning "yo‘l xaritalari" ishlab chiqilib, ijroga qaratildi. Natijada joriy yilning 8 oyi davomida umumiy jinoyatchilik 43 tadan 40 taga, ya’ni 7 foizga kamayishiga erishildi.

Mahallalarda "namunali xavfsiz ko‘cha" va "namunali xavfsiz yo‘llar" tashkil etilmoqda.

Mahallalarga o‘rnatilgan 200 ga yaqin kameralar yordamida "issiq izi" bilan jinoyatlar ochilmoqda.

Hududlarda sodir etilgan jinoyatlarning o‘ziga xosligini hisobga olgan holda, 3-chorak uchun "yo‘l xaritasi" ishlab chiqildi.

Prezidentimizning tegishli Qarori bilan rahbarlarga hududlar biriktirilgan bo‘lib, shu hududda jinoyat sodir etilishiga yo‘l qo‘ymaslikka qaratilgan chora-tadbirlar ko‘rilishi natijasida "qizil" toifadagi 1 mahallada kriminogen vaziyat barqarorlashtirildi.

Davlat rahbarining Qaroriga asosan hududlardagi kriminogen vaziyat va jinoyatchilikning oldini olish bo‘yicha kunlik so‘rov va o‘rganishlarni yo‘lga qo‘ydik.

Unda, kriminogen holati og‘ir mahallalarning jinoyat o‘choqlari joyida o‘rganilmoqda, jinoyatlarning sabablari tahlil qilinib, prokuror ta’sir choralari qo‘llanilmoqda.

Natijada tuman hududida bosqinchilik, talonchilik, bezorilik, transport vositasini olib qochish hamda odam savdosi jinoyatlari sodir etilishiga yo‘l qo‘yilmadi.

So‘nggi vaqtlarda O‘zbekiston huquq organlari ilgari duch kelmagan kiber jinoyatlar salmog‘ining ortishi ancha tashkiliy chora-tadbirlar ko‘rishni talab etmoqda.

Ma’lumot uchun, tumandagi umumiy jinoyatlarning
25 foizini axborot texnologiyalari sohasidagi jinoyatlar tashkil etadi.

So‘nggi vaqtlarda bu toifadagi jinoyatlar, bir necha barobar ko‘paydi.

Yil boshidan tuman aholisining o‘zlariga tegishli bo‘lgan plastik kartalaridan jami 280 mln so‘m yechib olingan hamda bu holatlar bo‘yicha tuman ichki ishlar bo‘limi tergov guruhi tomonidan
jinoiy ishlar qo‘zg‘atildi.

Bundan tashqari, tuman hududida so‘nggi vaqtlarda tuman aholisining tinchligini buzib kelayotgan bu o‘g‘irlik jinoyati sodir bo‘lib turibdi.

Hurmatli tumani aholisi! Sodir bo‘layotgan jinoyatlarning tahlilidan kelib chiqib, kelajakda jinoyatlar qurboni bo‘lib qolmaslik uchun:

- firibgarlik bilan shug‘ullanuvchi shaxslarning internet ijtimoiy tarmoqlari orqali pullaringizni onlayn tarzda ko‘paytirib berish hamda yer olib berish, nomingizga kredit rasmiylashtirib berish, arzon narxda uy yoki avtomashina olib berishni va’da qiluvchi, shuningdek, boshqa hududlardan kelib har xil buyumlarni sotib yurgan shaxslarning aldoviga ishonmang;

- uyingizning eshik va derazalari mustahkamligiga e’tibor bering, ko‘chalarda, uyingiz atrofida velosipedlaringizni, kerakli buyumlaringizni qoldirib ketmang.

- chorva mollaringizni ochiq yaylovlarda va yo‘l bo‘ylarida qarovsiz qoldirmang.

- avtomashina eshiklarini, derazalarini ochiq holda tashlab ketmang, avtomashina ichida pul va boshqa qimmatbaho buyumlaringizni, shuningdek, avtomashina kalitlarini qoldirib transport vositasini olib qochish jinoyatining kelib chiqishiga yo‘l qo‘ymang;

Shu o‘rinda, kriminogen vaziyatga ta’sir qiluvchi jinoyatlarning ayrim turlari haqida ham so‘z yuritmoqchiman.

Xususan, oila va turmushda sodir etilgan huquqbuzarliklar ham tahlil qilinganda, huquqbuzarlik sodir etilishiga oilaviy-maishiy muammolar asosiy sabab bo‘lganligi aniqlandi.

Shu sababli notinch, ajrim yoqasidagi oilalarning mavjud muammolarini bartaraf etish bo‘yicha boshqa idoralar va keng jamoatchilikni jalb qildik.

Hurmatli tuman aholisi!

Jinoyatlarga qarshi kurashishda huquqni muhofaza qiluvchi organlar yordam berishga, hamkorlik qilishga va jinoyatlarning har qanday ko‘rinishiga barham berishga kafolat beradi.

Chunki, sodir bo‘layotgan jinoyatlarning ochilishi va oldi olinishida xalqimizdan mas’uliyat, intiluvchanlik va talabchanlik hissi bilan yondashishni so‘rayman.

Shuni yana bir bor alohida ta’kidlayman, jinoyatning har qanday ko‘rinishiga zudlik bilan munosabat bildirishga, jinoyatga qo‘l urganlarga jazoning muqarrarligi ta’minlanishiga shaxsan kafolat beraman.