Qoraqalpog'iston Respublikasi Chimboy tumani hokimligi

Odamlar uchun og‘ir va o‘ta xavfli yuqumli kasallik hisoblangan Qrim-Kongo gemorragik isitmasi kasalligi kana chaqishi, kanani qo‘l bilan ezib o‘ldirish, qaychi yoki boshqa o‘tkir asboblar bilan kanani kesganda qoni qo‘l va boshqa a’zolarga tushganda kasallik odamlarga yuqadi. Kasallikning yashirin davri kana chaqqanidan 3-6 kun, qon bilan aloqada bo‘lib, kasallik yuqqanida esa 2-4 kun bo‘lib, bu davrda bemorda hech qanday shikoyatlar bo‘lmaydi. Keyinchalik kasallik o‘tkir boshlanib, tana haroratining ko‘tarilishi, tananing yuqori qismida (ko‘krak, bo‘yin, yuz va ko‘zlarda) qizarish, tanada, burun, oshqozon-ichak va boshqa a’zolardan qon ketishi hamda tanada qontalashlar, peshona sohasi, bel, bo‘g‘imlar, mushaklarda og‘riq va umumiy holsizlik belgilari bilan kasallik og‘ir kechadi. O‘z vaqtida tibbiy yordam ko‘rsatilmasa ayrim hollarda o‘lim bilan yakunlanadi. Yirik va mayda shoxli hayvonlarda (qo‘y, echki, sigir va boshqa) uchraydigan kanalar Qrim-Kongo gemorragik isitma kasalligi virusining tashuvchisi bo‘ladi.