Sherobod tumanida mahalla raisi va yoshlar uchrashuvi bo'lib o'tdi
2025-09-27 08:30:00 / Yangiliklar
Sherobod tumani mahallalarida mahalla raislari va yoshlar ishtirokida uchrashuvlar bo‘lib o‘tdi. Tadbirlar O‘zbekiston Respublikasi Prezidentining 2025-yil 10-sentabr kuni qabul qilingan PF-163-sonli Farmoni — “Mahallalarda yoshlar bilan ishlash tizimi samaradorligini oshirishga doir chora-tadbirlar” ijrosini ta’minlash maqsadida tashkil etildi.
Mazkur uchrashuvlarda yoshlar Farmon mazmun-mohiyati bilan tanishtirildi. Unda belgilangan maqsad va vazifalar hayotga izchil tatbiq etilayotgani, yoshlar uchun yaratilayotgan imkoniyatlar va amalga oshirilayotgan ishlarga alohida to‘xtalib o‘tildi.