Surxondaryo viloyati Sherobod tumani hokimligi

💠Sherobod tuman hokimligida ayollar o‘rtasida jinoyatchilikni oldini olish masalalari muhokama qilindi

Bugun Sherobod tuman hokimligi binosida xotin-qizlar va ayollar o‘rtasida jinoyatchilikning oldini olish, oilaviy ajrimlarni kamaytirish hamda bu boradagi profilaktika ishlarini samarali tashkil etishga qaratilgan tahliliy yig‘ilish bo‘lib o‘tdi.

🫥Yig‘ilishda Sherobod tuman Oila va xotin-qizlar bo‘limi boshlig‘i G. Aminova, tuman bosh otinoyisi G.Sultonova, tuman Ichki ishlar bo‘limining mas’ul xodimi, mayor E. Normurodov hamda tuman Ma’naviyat va ma’rifat bo‘limi boshlig‘i I. Jo‘rayev, shuningdek, mahallalardagi faol ayollar ishtirok etishdi.

🫥Tadbir davomida jinoyatchilikning kelib chiqish sabablari, ularni bartaraf etish yo‘llari, ajrimlarning ijtimoiy hayotga salbiy ta’siri haqida atroflicha fikr almashildi. Shuningdek, ishtirokchilar tomonidan profilaktik tadbirlarni kuchaytirish, mahalla faollari va mutasaddi tashkilotlar o‘rtasida hamkorlikni mustahkamlash, yoshlar va ayollar bilan ishlashning yangi samarali usullarini joriy etish bo‘yicha taklif va tavsiyalar bildirildi.

🫥Yig‘ilish yakunida aholining huquqiy ongi va madaniyatini oshirish, oilaviy muhitni mustahkamlash hamda jinoyatchilikning oldini olish borasidagi chora-tadbirlar belgilab olindi.