Surxondaryo viloyati Sherobod tumani hokimligi

⏰ Korrupsiyaga qarshi kurash va manfaatlar to‘qnashuvi masalalariga bag‘ishlangan yig‘ilish o‘tkazildi.

✅ Sherobod tuman hokimining o‘rinbosari U. Xamrayev boshchiligida tuman hokimligi apparati xodimlari, shuningdek, tashkilot va muassasalar rahbarlari ishtirokida korrupsiyaga qarshi kurash hamda manfaatlar to‘qnashuvi masalalariga bag‘ishlangan navbatdagi yig‘ilish bo‘lib o‘tdi.

✅ Yig‘ilish davomida manfaatlar to‘qnashuvining huquqiy ta’rifi, ularning oldini olish, aniqlash, tartibga solish va hal etish mexanizmlari yuzasidan taqdimot asosida batafsil tushuntirishlar berildi.

✅ Davlat xizmatchilarining shaxsiy manfaatdorligi xizmat vazifalariga ta’sir ko‘rsatishi mumkin bo‘lgan vaziyatlar, ularning oqibatlari va bu boradagi yuridik javobgarlik masalalari atroflicha muhokama qilindi.

✅ Shuningdek, korrupsiyaning asosiy sabablari, unga olib keluvchi shart-sharoitlar, manfaatlar to‘qnashuvini aniqlash va boshqarish tartib-taomillari haqida real holatlar misolida tushunchalar berildi.

✅ Yig‘ilish yakunida barcha rahbar va mas’ullarga qonunchilikda belgilangan tartibda halollik, xolislik va manfaatlar to‘qnashuvining oldini olish tamoyillariga qat’iy rioya etish bo‘yicha tegishli ko‘rsatmalar berildi.