Surxondaryo viloyati Sherobod tumani hokimligi

💠Sherobod tumanida bitiruvchilar taqdirlandi

🫥2024–2025-o‘quv yili yakunlariga ko‘ra, Sherobod tumanidagi umumta’lim maktablarida jami 2 273 nafar o‘quvchi 11-sinfni muvaffaqiyatli tamomladi. Yillar davomida namunalik xulq-atvori, tirishqoqligi hamda mustahkam bilim va ko‘nikmalari bilan ajralib turgan o‘quvchilarning bir guruhi yuksak davlat mukofotlari — oltin va kumush medallar bilan taqdirlandi.

Jumladan, 39 nafar o‘quvchi oltin medalga, yana 3 nafar iqtidorli yosh esa kumush medalga loyiq deb topildi.

🫥Taqdirlash marosimi Sherobod tuman hokimligi binosida tantanali tarzda tashkil etildi. Unda tuman hokimi shaxsan ishtirok etib, bitiruvchi yoshlarni hayotdagi yangi bosqich – mustaqil hayotga qadam qo‘yayotganlari bilan tabrikladi va medallarni o‘z qo‘li bilan topshirdi.
Bu kabi e’tirof va rag‘bat bitiruvchi yoshlarning bilim olishga bo‘lgan intilishlarini yanada oshirishi shubhasiz.