Surxondaryo viloyati Sherobod tumani hokimligi

Sherobod tuman oilalar mustahkamligini ta’minlashda “Oqila ayollar harakatining  o‘rni" mavzusida forum o‘tkazildi.

Sherobod tumanida “Oilalar mustahkamligini ta’minlashda "Oqila ayollar harakatining o‘rni" mavzusida ochiq va mazmunli forum bo‘lib o‘tdi. Tadbir oila institutini mustahkamlash, farzand tarbiyasi va xotin-qizlar ma’rifatini yuksaltirish, jamiyatda sog‘lom ma’naviy muhitni shakllantirish hamda turli salbiy holatlarning oldini olishda “Oqila ayollar” harakatining ahamiyatini yanada kuchaytirish maqsadida tashkil etildi.

Forumda mahallalarda o‘z faolligi va ibratli faoliyati bilan ajralib turgan bir guruh xotin-qizlar ishtirok etdi. Tadbir davomida Sherobod tuman hokimining o‘rinbosari – Oila va xotin-qizlar bo‘limi boshlig‘i Gulshoda Aminova  so‘zga chiqib, harakatning jamiyatdagi tutgan o‘rni, ijtimoiy muammolarni bartaraf etishdagi samarali yondashuvi haqida iliq fikrlarini bildirdi.

Shuningdek, Viloyat oqila ayollar harakati rahbari psixologiya fanlari professori Norbosheva Mehri Ochilovna hamda Tuman oqila  ayollar harakati rahbari viloyat kengashi deputati Xolmirzayeva Ra’no Shamilovnalar tomonidan harakat a’zolari nomidan tayyorlangan murojaatnoma forum ishtirokchilari e’tiboriga havola qilindi. Tadbir yakunida mahallalarda oilaviy qadriyatlarni mustahkamlashda o‘z hissasini qo‘shayotgan bir guruh faol ayollar tashakkurnomalar bilan taqdirlandi.

Mazkur forum “Oqila ayollar” harakatining faollari orasida tajriba almashish, dolzarb muammolar yuzasidan ochiq fikr bildirish hamda kelgusi ishlar yuzasidan taklif va tashabbuslarni ilgari surish uchun muhim maydon bo‘lib xizmat qildi.