Surxondaryo viloyati Sherobod tumani hokimligi

🌿 Deputatlar issiqxona faoliyati bilan tanishdi

🌿 Xalq deputatlari Sherobod tuman Kengashi kotibiyati mudiri O. Tursunov hamda Xalq deputatlari Sherobod tuman Kengashi 5-Guliston–Galaguzar saylov okrugidan saylangan deputat O. Umarov tomonidan “Guliston” mahalla hududida joylashgan issiqxona xo‘jaligi faoliyati bilan yaqindan tanishildi.

🌾 Tashrif davomida issiqxonalarda yetishtirilayotgan qishloq xo‘jaligi mahsulotlarining sifati, yetishtirish jarayonida qo‘llanilayotgan zamonaviy agrotexnologiyalar hamda aholining bandligini ta’minlash borasida amalga oshirilgan ishlar, jumladan 30 ta yangi ish o‘rni yaratilganligi alohida e’tirof etildi.

🥕 Mutasaddilar tomonidan issiqxona faoliyatini yanada kengaytirish, mahsulot yetishtirish hajmini oshirish hamda ichki bozorlarni sifatli va arzon qishloq xo‘jaligi mahsulotlari bilan ta’minlash yuzasidan tegishli tavsiyalar berildi.

🔹 Bunday tashriflar hududlarda qishloq xo‘jaligini rivojlantirish, aholi bandligini oshirish hamda oziq-ovqat xavfsizligini ta’minlashda muhim ahamiyat kasb etadi.