Surxondaryo viloyati Sherobod tumani hokimligi

Joriy yilning 27-oktabridan boshlab Surxondaryo viloyati bo‘ylab olis va tog‘li hududlar toifasiga kiruvchi 54 ta mahalla fuqarolar yig‘inida aholini ro‘yxatga olish ishlari uyushqoqlik bilan tashkil etildi. Xususan, Sherobod tumanining “Qorabog‘” mahallasida ham mazkur jarayon yuksak faollik va hamjihatlik asosida olib borilmoqda.

Aholini ro‘yxatga olish jarayonlarining samarali tashkil etilishini ta’minlash maqsadida viloyat hokimi o‘rinbosari, Oila va xotin-qizlar boshqarmasi boshlig‘i Z. Xidirova, tuman Oila va xotin-qizlar bo‘limi boshlig‘i G. Aminova, shuningdek, mas’ul tashkilotlar vakillari mahallalarda bo‘lib, ishlarning borishi bilan yaqindan tanishdilar.

Ularning joylardagi bevosita ishtiroki, tashkiliy ko‘magini va aholining faol hamkorligini inobatga olgan holda, ro‘yxatga olish ishlari samarali va sifatli tarzda olib borilmoqda.