Sirdaryo viloyati Sayxunobod tumani hokimligi

Yig‘ilishda, hududiy Kengash a’zolari tomonidan tumanda korrupsiyaning oldini olish, ayniqsa, maishiy korrupsiyaga barham berish, hududda unga nisbatan murosasiz muhit yaratish maqsadida barcha soha va tarmoqlarni qamrab oluvchi “yo‘l xarita”sining ijrosi bo‘yicha amalga oshirilgan ishlar va sohadagi faoliyat muhokama qilindi.

Yig‘ilish davomida, tuman Maktabgacha ta’lim va maktab ta’limi, sog‘liqni saqlash, kambag‘allikni qisqartirish va bandlik, energetika, kadastr va ichimlik suvi ta’minoti bilan bog‘liq maishiy korrupsiya holatlari ko‘p uchraydigan sohalar birma-bir tahlil qilindi.

Shu bilan birga, korrupsiyaviy xavf-xatarlarni keltirib chiqarishi mumkin bo‘lgan omillarni bartaraf etilishi yuzasidan maktabgacha ta’lim va maktab ta’limi sohasida aynan bir hududda va jamoada bir necha yillardan buyon faoliyat olib borayotgan bir guruh ta’lim sohasi vakillarini rotatsiya qilinishi, sog‘liqni saqlash sohasida 0,25-0,5 ish stavkasida faoliyat olib borayotgan tibbiyot xodimlarining to‘liq ish stavkasida faoliyat yuritishi ta’minlanishi hamda qayd etib o‘tilgan sohalarda faoliyatni jadallashtirish bo‘yicha yangi takliflarni ishlab chiqish yuzasidan mutasaddi idoralar rahbarlari va mas’ullarga tegishli ko‘rsatma hamda topshiriqlar berildi.