Sirdaryo viloyati Sayxunobod tumani hokimligi

Sayxunobod tumani Qurilish va uy-joy kommunal xo‘jaligi bo‘limi tomonidan "Turon" mahallasida qurilayotgan ko‘p qavatli uy-joylarda olib borilayotgan qurilish ishlari bilan tanishish maqsadida press-tur tashkil etildi.

Tadbirda mahalliy ommaviy axborot vositalari vakillari, jamoatchilik faollari, qurilish tashkilotlari mas’ullari hamda keng jamoatchilik ishtirok etdi. Press-tur ishtirokchilari qurilish maydoniga tashrif buyurib, yerida olib borilayotgan ish jarayonlari bilan tanishdilar.

Ma’lumotlarga ko‘ra, mazkur turar-joy majmualari zamonaviy me’moriy yechimlar asosida, barcha qurilish-me’yoriy talablarga qat’iy amal qilingan holda barpo etilmoqda. Ko‘p qavatli uylarda zamonaviy muhandislik-kommunikatsiya tizimlari, energiya tejamkor texnologiyalar va qulay yashash sharoitlari yaratilishi rejalashtirilgan.

Qurilish ishlarining sifatli va o‘z vaqtida yakunlanishini ta’minlash maqsadida doimiy texnik nazorat olib borilmoqda. Hozirda montaj ishlari yakuniy bosqichga kirgan bo‘lib, tez orada yangi uylar aholiga topshirilishi rejalashtirilgan.

Press-tur davomida Qurilish bo‘limi mas’ullari tomonidan jurnalistlar savollariga javob berildi va loyiha doirasida rejalashtirilgan infratuzilma ob’yektlari – bolalar maydonchalari, avtoturargoh, yashil hududlar haqida ham batafsil ma’lumotlar taqdim etildi.