Sirdaryo viloyati Sayxunobod tumani hokimligi

Sayxunobod tumanida ommaviy axborot vositalari vakillari, jurnalistlar hamda faol blogerlar ishtirokida navbatdagi press-tur tashkil etildi. Tadbirning asosiy maqsadi – tumandagi Yoshlar yetakchisining faoliyati bilan tanishish, ularning joylardagi ijtimoiy-loyiha tashabbuslari va yoshlar bilan olib borayotgan ishlari haqida ommaga batafsil axborot yetkazishdan iborat bo‘ldi.

Press-tur davomida OAV vakillari Yoshlar ishlari agentligi tuman bo‘limi hamda mahalladagi yoshlar yetakchilari bilan uchrashib, ular tomonidan amalga oshirilayotgan ishlar, yoshlar bandligini ta’minlash, ijtimoiy himoyaga muhtoj yoshlarni qo‘llab-quvvatlash, bo‘sh vaqtlarini mazmunli o‘tkazish va ma’naviy-ma’rifiy tadbirlarni yo‘lga qo‘yish borasidagi sa’y-harakatlari bilan yaqindan tanishdilar.

Tadbir doirasida yoshlar yetakchilari tomonidan boshlangan bir qator ijtimoiy loyihalar taqdimoti bo‘lib o‘tdi. Shu bilan birga, press-tur ishtirokchilari yoshlar bilan jonli muloqot qilgan holda, ularning fikr va takliflarini ham tingladilar.

Press-tur davomida jurnalistlar tomonidan foto va video lavhalar tayyorlanib, keng jamoatchilikka yetkazilishi rejalashtirilmoqda.

Bunday ochiqlik va shaffoflikka asoslangan press-turlar yoshlar siyosatining joylardagi amaliy natijalarini yoritish, ularning ijtimoiy faolligini keng jamoatchilikka yetkazish hamda ommaviy axborot vositalari bilan samarali hamkorlikni yo‘lga qo‘yishda muhim ahamiyat kasb etmoqda.