Sayxunobod tumanida “Inson” ijtimoiy xizmatlar markazi faoliyati, shuningdek, aholini davlat tomonidan kafolatlangan ijtimoiy xizmat va yordamlarni olishida yaqindan ko‘maklashish borasidagi ishlar bilan keng jamoatchilik vakillarini tanishtirish maqsadid
2025-05-20 10:05:00 / Yangiliklar
Unda ishtirokchilar “Inson” ijtimoiy xizmatlar markazi binosida yaratilgan shart-sharoitlar, ko‘rsatilayotgan xizmat turlari va Ijtimoiy himoya milliy agentligi tomonidan aholiga taklif etilayotgan yangi takliflar bilan tanishtirildi.
Qayd etilishicha, Sayxunobod tumanida “Inson” ijtimoiy xizmatlar markazi va 19 nafar ijtimoiy xodim orqali mahallalarda aholining ijtimoiy himoyaga muhtoj qatlamiga davlat tomonidan kafolatlangan xizmat va yordamlar ko‘rsatib kelinmoqda.
Jumladan, 2024-yilda 5 270 nafar fuqaroga ijtimoiy xizmatlar ko‘rsatilgan bo‘lsa, joriy yilning 5 oyi davomida 4 655 nafar fuqarolar ijtimoiy xizmatlardan foydalangan.
"O‘zgalar parvarishiga muhtoj bo‘lgan yolg‘iz yashovchi hamda yolg‘iz keksalar va nogironligi bo‘lgan shaxslarning reyestri"da turgan shaxslar 36 nafarni tashkil etib, ularga 3 nafar ijtimoiy xodim assistenti tomonidan ijtimoiy-maishiy xizmatlar ko‘rsatib kelinmoqda.
Shuningdek, 157 nafar muhtoj shaxslarni protez-ortopediya moslamalari va reabilitatsiya qilishning texnik vositalari bilan taʼminlash maqsadida qiymati 196 mln so‘mlik mahsulotlar bilan taʼminlangan.
118 nafar nogironligi bo‘lgan fuqarolar taʼlim, sport va ishga jalb qilingan. 21 nafar yetim bolalardan 3 nafari 2025 yilda uy-joy bilan taʼminlanadi va suhbat asosida imtiyozli ravishda oliy ta'lim muassasalariga o‘qishga qabul qilinadi.
“Kambag‘allikdan farovonlik sari” dasturi doirasida 3 548 ta oila so‘rovnomadan o‘tkazilib, 1 368 tasi reyestrga kiritildi va oilalarga individual rejalar tuzilib, 1 124 ta ijtimoiy xizmat amalga oshirildi.
Press-tur qatnashchilari o‘zlarini qiziqtirgan savollariga “Inson” markazi masʼullaridan atroflicha javob olishdi.