Sayxunobod tumanida yangi tashkil etilgan sanoat korxonasining faoliyati o‘rganildi
2025-11-10 12:50:00 / Yangiliklar
Sayxunobod tumani sanoat salohiyatini oshirish, yangi ish o‘rinlarini yaratish va tadbirkorlikni rivojlantirish borasidagi amaliy ishlar izchil davom etmoqda. Shu maqsadda tuman hokimi Komiljon Mullajanov boshchiligidagi sanoat shtabi a’zolari "Guliston" mahallasi hududida yangi tashkil etilgan “Sayxun Marvarid” MChJ korxonasida bo‘lib, uning faoliyati bilan yaqindan tanishdi.
Korxonada mavjud ishlab chiqarish quvvatlari, texnologik imkoniyatlar hamda kelgusidagi rejalar atroflicha ko‘rib chiqildi.
“Bizning asosiy maqsadimiz — har bir korxonani qo‘llab-quvvatlab, ularning to‘liq quvvatda ishlashi va yangi ish o‘rinlari yaratilishini ta’minlashdir. Har bir tadbirkor biz uchun muhim, ularning muvaffaqiyati — tuman taraqqiyotining garovidir." — deydi tuman hokimi Komiljon Mullajanov
Mazkur tashriflar doirasida aniqlangan muammolar tuman sanoat shtabi tomonidan muntazam nazoratga olinib, ularning yechimi yuzasidan amaliy yordam ko‘rsatish belgilandi.