Yoshlar bilan yuzma-yuz muloqot: tashabbuslar va muammolar muhokama qilindi
2026-08-06 12:30:00 / Yangiliklar
Sardoba tumanida "Payshanba – Yoshlar kuni" doirasidagi tadbirlar davom etmoqda. Navbatdagi uchrashuv "Ravot" mahallasida joylashgan 4-sonli umumta'lim maktabida tashkil etilib, unda tuman hokimi Ziyadulla Karimov, tuman prokurori Ravshanbek Norbayev hamda tuman Soliq inspeksiyasi rahbari Oybek Ikromov yoshlar bilan bevosita muloqot qildi.
Uchrashuv davomida yoshlarning ta'lim olishi, kasb-hunar egallashi, bandligini ta'minlash, tadbirkorlik faoliyatini yo‘lga qo‘yish va bo‘sh vaqtlarini mazmunli tashkil etishga oid masalalar yuzasidan fikr almashildi. Yoshlar tomonidan ilgari surilgan taklif va tashabbuslar atroflicha muhokama qilinib, ularning murojaatlariga mutasaddilar tomonidan tegishli huquqiy va amaliy tushuntirishlar berildi.
Shuningdek, yechimi vaqt talab etadigan masalalar yuzasidan mas'ul tashkilotlarga aniq vazifalar yuklatilib, ularning ijrosini nazoratga olish belgilandi.