“Yangi O‘zbekiston Olimpiya cho‘qqilari” hamda “Prezident Olimpiadasi – 2026” doirasida voleybol hamda taekvondo WT sport turlari bo‘yicha Sardoba tumani hokimi kubogi musobaqalari yuqori saviyada tashkil etildi.
2026-03-27 10:30:00 / Yangiliklar
Sardoba tumanida o‘tkazilgan ushbu nufuzli sport tadbirida sport maktablari tarbiyalanuvchilari hamda umumta’lim maktablari qoshidagi sport klublarining 13–14 yosh toifasidagi iqtidorli yosh sportchilari faol ishtirok etib, o‘z mahorat va jismoniy tayyorgarliklarini namoyon etdilar.
Musobaqalar davomida har bir uchrashuv va bellashuvlar keskin raqobat, murosasiz bahslar hamda yuqori sport ruhida kechdi. Yosh voleybolchilar va taekvondochilar maydonda nafaqat g‘alaba uchun kurash olib bordilar, balki jamoaviylik, intizom, matonat va sport madaniyatining yorqin namunalarini ham ko‘rsatdilar.
Ushbu musobaqalar yoshlar o‘rtasida sog‘lom turmush tarzini targ‘ib qilish, ularning sportga bo‘lgan qiziqishini yanada oshirish hamda kelajakda yuksak natijalarga erishadigan sportchilarni saralab olishda muhim ahamiyat kasb etadi. Musobaqalardan so‘ng tantanali taqdirlash marosimi bo‘lib o‘tdi.