Sirdaryo viloyati Sardoba tumani hokimligi

Sardoba tumani sport maktabi tarbiyalanuvchilari “Prezident Olimpiadasi”ning ayollar kurashi yo‘nalishida yuksak natijalarga erishib, viloyatimiz sha’nini munosib himoya qilishdi. 53 kg vazn toifasida Madina Gafurova kumush medalni qo‘lga kiritgan bo‘lsa, 49 kg vaznda Muxlisa Jabborova bronza medalini qo‘lga kiritdi.

Bugun ushbu sovrindor sportchilar Sardoba tumani hokimligi tomonidan tantanali tarzda kutib olindi. Tuman rahbariyati tomonidan bunday e’tibor va rag‘bat ko‘rsatilishi sportchilarga katta ruhiy ko‘tarinkilik bag‘ishlab, kelgusidagi musobaqalarda yanada dadil va ishonchli qadamlar uchun yangi kuch berdi.