Sardoba tumani hokimi Huayan Group kompaniyasi bilan kelishuvga erishdi
2025-11-01 11:45:00 / Yangiliklar
Sardoba tumani hokimi Huayan Group kompaniyasi bilan kelishuvga erishdi
Sardoba tumani delegatsiyasining Xitoy Xalq Respublikasiga amaliy tashrifi davomida navbatdagi uchrashuvi Anhui provinsiyasining Hefei shahrida joylashgan Huayan Group kompaniyasi bilan bo'lib o'tdi.
Tuman hokimi Ziyadulla Karimov va kompaniya rahbari janob Sunming bilan bo‘lib o‘tgan muzokaralarda qishloq xo‘jaligi sohasida qo‘shma loyihalarni amalga oshirish masalalari muhokama qilindi.
Uchrashuv davomida umumiy qiymati 10 million dollarlik kungaboqar yetishtirish loyihasini amalga oshirish bo‘yicha kelishuvga erishildi. Mazkur loyiha doirasida ilg‘or agrotexnologiyalarni joriy etish, hosildorlikni oshirish hamda mahsulotni eksportga yo‘naltirish rejalashtirilgan.