Muammoli kreditlar va yashirin iqtisodiyotga qarshi choralar muhokama qilindi
2026-06-26 09:45:00 / Yangiliklar
Samarqand shahar hokimi Fazliddin Umarov ishtirokida tadbirkorlik subyektlari va Oilaviy tadbirkorlik dasturi doirasida ajratilgan kreditlar bo‘yicha yuzaga kelgan muammoli qarzdorliklarni undirish masalalari ko‘rib chiqildi.
Unda qayd etilganidek, ilgari ajratilgan kreditlarning o‘z vaqtida qaytarilishi yangi loyihalarni moliyalashtirish va aholi tadbirkorlik tashabbuslarini qo‘llab-quvvatlash imkoniyatlarini kengaytirishga xizmat qiladi. Yig‘ilishda kredit olib, vaqtida uni qaytarmayotganlarga ham qatʼiy ogohlantirish berildi.
Shu munosabat bilan mutasaddi tashkilotlar, tijorat banklari hamda hokim yordamchilariga muammoli kreditlarni qisqartirish, qarzdorliklarni undirish ishlarini kuchaytirish va ajratilgan mablag‘larning maqsadli ishlatilishini ta’minlash bo‘yicha aniq vazifalar belgilab berildi.
Shuningdek, tanqidiy ruhda o‘tgan yig‘ilishda yashirin iqtisodiyotning oldini olish hamda ajratilgan mablag‘lardan samarali foydalanish masalalari ham muhokama qilindi.