“Shijoat va g‘ayrat” harbiy-sport musobaqasining Samarqand shahar bosqichi tadbirlarida Samarqand shahar hokimining o‘rinbosari Farhod Nishonov ishtirok etdi.

Musobaqa yoshlar o‘rtasida sog‘lom turmush tarzini targ‘ib etish, jismoniy va harbiy-amaliy ko‘nikmalarini rivojlantirish hamda vatanparvarlik ruhini mustahkamlashga qaratilgan.

Ishtirokchilar jismoniy tayyorgarlik, harbiy-amaliy mashqlar, tezkorlik estafetasi va jamoaviy topshiriqlar bo‘yicha bellashib, o‘z kuchi, chidamliligi va jamoada ishlash ko‘nikmalarini namoyon etmoqda.