Samarqand shahrida ayollar salomatligini muhofaza qilish bo‘yicha yangi tashabbuslar tatbiq qilinmoqda
2026-04-17 15:50:00 / Yangiliklar
Samarqand shahrida ona va bola salomatligini mustahkamlash, ayollar o‘rtasida onkologik kasalliklarning oldini olish borasida yangi yondashuvlar joriy etilmoqda.
“Kofix” loyihasi doirasida Sog‘liqni saqlash vazirligi va Kofix fondi hamkorligida bachadon bo‘yni saratoni skriningiga qaratilgan milliy loyiha amalga oshirilmoqda.
Shu munosabat bilan mutaxassislar Samarqand shahridagi 2-son oilaviy poliklinikada bo‘lib, yaratilgan sharoitlar bilan tanishdilar.
Koreyalik mutaxassislar ishtirokida o‘tkazilgan uchrashuvda ayollar o‘rtasida kasalliklarning oldini olish va erta aniqlash bo‘yicha zarur tavsiyalar berildi.