Maishiy chiqindilarni olish bo‘yicha xizmatlar sifatini yaxshilash hamda aholi qarzdorligini undirish masalasi muhokama etildi
2026-04-03 21:10:00 / Yangiliklar
Chiqindilarni boshqarish va sirkulyar iqtisodiyotni rivojlantirish agentligi hamda mahalliy hokimlik, shuningdek, “Maroqand obod” DUK korxonasi mas’ullari ishtirokida maishiy chiqindilarni o‘z vaqtida to‘liq olish, to‘lovlarni ta’minlash va qarzdorliklarni qisqartirish yuzasidan yig‘ilish bo‘lib o‘tdi.
Unda chiqindilarni boshqarish tizimini yanada samarali tashkil etish, aholiga ko‘rsatilayotgan xizmatlar sifatini oshirish hamda tashkilot faoliyatini iqtisodiy jihatdan barqarorlashtirish, shuningdek, debitor qarzdorliklarni qisqartirish kabi qator masalalar muhokama qilindi.
Mavjud muammolar va iqtisodiy ko‘rsatkichlarning salbiy holatlarini qisqa muddatda bartaraf etish bo‘yicha aniq chora-tadbirlar belgilab olindi.
Shuningdek, agentlik direktorining tegishli buyruqlariga asosan “Maroqand obod” davlat muassasasiga Asatov Anvar Raxmatullayevich direktor va Sharipov Anvar Axmatjonovich muassasaning iqtisodiy faoliyat va abonentlar bilan ishlash bo‘yicha rahbar o‘rinbosari lavozimiga tayinlandi.