Samarqand viloyati Samarqand shahar hokimligi

Taraqqiyotimizning yangi bosqichida aholining osoyishta hayotini, butun mamlakatda xavfsizlikni ta’minlash davlat siyosatining eng ustuvor yo‘nalishiga aylandi.
Zotan, osoyishtalik ta’minlangan, inson emin-erkin, bexavotir yashaydigan yurt dunyo ahli uchun jozibador bo‘ladi.
Pirovardida bunday davlat sarmoyadorlar, jumladan xorijiy ivestorlar va shahrimizga kelayotgan turistlarning ham eng ishonchli maskaniga aylanadi.
Shu tariqa xalqaro maydonda mamlakatimizning ijobiy qiyofasi shakllanadi, imidji oshadi. Buning zamirida esa, jozibador investisiviy muhit yuzaga keladi.
Rivojlangan dunyo davlatlari tajribasi ko‘rsatganidek, bunga erishish uchun avvalo, jinoyatchilikni jilovlash taqozo etiladi.
Shu bois, Davlat rahbarining tashabbuslari asosida huquqbuzarliklar profilaktikasi va jinoyatchilikka qarshi kurash tizimini tubdan yaxshilash bo‘yicha ulkan islohotlar amalga oshirildi.
Prokuratura, ichki ishlar organlari, sudlar hamda boshqa tuzilmalarda qator tashkiliy choralar amalga oshirildi, kriminogen vaziyatni tahlil qilish va jinoyatchilik dinamikasini bashorat qilishning mutlaqo yangi mexanizmi yaratildi. 
Bugungi kunda jinoyatlarning faqat oqibatlarini emas, ularning sabablarini, huquqbuzarliklarga imkon beruvchi shart-sharoitlarni bartaraf etishni ustuvor vazifa sifatida oldimizga qo‘yildi.
Ushbu yo‘nalishda Davlat rahbari tomonidan 03.01.2025 yilda “2025 yilda Respublika mahallarlarida xavfsiz muhitni yaratish va huquqbuzarliklarni barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi PQ–1-son, 18.03.2025 yilda qabul qilingan 
PQ–111-son hamda 18.08.2025 yilda qabul qilingan PQ–253-son Qarorlar bilan jinoyatlarning barvaqt oldini olish tizimi ustidan nazoratni ta’minlash borasida aniq topshiriqlar berildi.

Mazkur qarorlar ijrosini ta’minlash davomida mahallalarimizda kriminogen ahvol yaxshilanmoqda, yurtimizning xalqaro maydondagi obro‘si, xalqimizning davlatga   bo‘lgan   ishonchi   oshmoqda.
Amalga oshirilgan choralar hamda keng jamoatchilik bilan hamkorlikda olib borilgan profilaktik tadbirlar natijasida o‘tgan davrda 136 ta mahallada jinoyatlar sodir etilmadi, mahallada jinoyatchilik qariyb 1,5 baravarga kamaydi.
Shuningdek, ezgu niyatlar bilan tashkil etilgan “ijtimoiy profilaktika” tizimini amalga oshirish mexanizmlari aniq belgilab berilgan, mahallada “yettilik vakillari” masalaning ichiga   kirganligi   oqibatida   ijobiy   natijalarga   erishilmoqda.
Xususan, joriy yilda 4 107 nafar shaxslar bo‘yicha “yettilik” vakillariga xulosalar taqdim etilib, “ijtimoiy profilaktika”   tadbirlar   amalga   oshirilmoqda.
Yana bir masala, bugun raqamli texnologiyalar rivojlanib, tezkorlik oshmoqda, boshqa qulayliklar yaratilmoqda.
Biroq, bu jarayondagi xavf – xatarlar ko‘lami ham kengayib   bormoqda. 
Ayniqsa, kiberjinoyatlar bilan bog‘liq yangi tahdidlar dunyo hamjamiyatini   jiddiy   tashvishga   solmoqda.
Shuni   doimo   yodda   tutingki,   kibermakondagi,   xususan,   bank   kartalaridan   pul   o‘g‘irlash   bilan   bog‘liq   jinoyatlar   axborot   texnologiyalaridan   foydalangan   holda,   asosan   chet   eldan   turib   sodir   etilmoqda,   qo‘lga   kiritilgan   pullar   esa,   ushbu   davlatlarga   qisqa   fursatda   olib   chiqib   ketilmoqda.
Bu   esa,   o‘g‘irlangan   pullarning   qaytarilishini   va   kiberfiribgarlarni   fosh   etishni   yanada   murakkablash-tirmoqda.
Bunday   shaxslar   Sizlarni   quyidagi   usullar   bilan   aldashmoqda   yoki   chalg‘ituvchi   yo‘llar   bilan   o‘z   changaliga   tushirmoqda:
Bank,   majburiy   ijro   byurosi,   huquqni   muhofaza   qiluvchi   organlar   va   boshqa   shu   kabi  tashkilotlar   xodimi   sifatida   Sizga   qo‘ng‘iroq   qilib,   to‘lovdagi   tushunmovchilik,   kartangizga   xavf   tug‘ilayotgani   kabi   turli   yolg‘on   so‘zlarni   aytib,   kartangiz   haqidagi   ma’lumotlarni   o‘zingizdan   bilib   olmoqda.
Sizga   yaxshi   ma’lumki,   bugungi   kunda   internet   orqali   onlayn   xizmatlar   ko‘rsatish   va   tovarlarni   sotish   ommalashmoqda.
Bunday   savdolarda   reklama   qilinayotgan   tovarlarning   narxi   arzonligi   yoki   to‘lov   turining   yengilligi   sababli,   tabiiyki,   Sizda   qiziqish   uyg‘otish   yo‘li   bilan   boshlang‘ich   to‘lov sifatida pul o‘tkazib, mablag‘ingizni   qo‘lga   kiritmoqda;
Dunyoga   taniqli   va   yirik   insvestorlar   nomidan   katta   foyda   va’da   qilinmoqda   va   Siz   bunga   ishonib,   yirik   miqdordagi   mablag‘laringizni   o‘z   qo‘lingiz   bilan   o‘tkazib   bermoqdasiz.
Bundan tashqari, bugungi kunda firibgarlik jinoyati 
keskin oshib bormoqda.
Shahar hududida yil boshidan bugungi kunga qadar 188 ta firibgarlik jinoyatlari qayd etildi.
Mazkur ko‘rsatkich, mazkur jinoyat ko‘p hollarda internet tarmog‘i orqali sodir qilinmoqda.
Shu munosabat bilan, Sizlardan sergaklikni oshirib, 
aldanib qolmaslik uchun ehtiyotkorlik choralarini   ko‘rishingizni   so‘raymiz.
Qisqa qilib aytganda, nafaqat huquq – tartibot 
sohasi xodimlari, balki har bir oddiy fuqaroda ham 
huquqbuzarliklarga nisbatan murosasiz munosabatni 
shakllantirish, osoyishta hayotni ta’minlashga daxldorlik 
hissini   uyg‘otishga    qaratilgan   tarixiy   qadamlar   tashlandi.
Bundan ko‘zlangan yagona maqsad – aholi tinchligi 
va osoyishtaligini ta’minlash bo‘yicha faoliyatimizdagi 
mavjud xato va nuqsonlarni o‘z vaqtida bartaraf etib, 
Siz tomoningizdan oldimizga qo‘ygan vazifalarni samarali   ro‘yobga   chiqarishdir.

                                           Samarqand shahar prokurori                       B.Normatov