Ijtimoiy himoya tizimini takomillashtirishga qaratilgan taqdimot o‘tkazildi
2025-12-24 17:42:00 / Yangiliklar
Samarqand shahar “Inson” ijtimoiy xizmatlar markazida “2025-yilda aholini ijtimoiy himoya qilish va 2026-yilga belgilangan ustuvor vazifalar”ga bag‘ishlangan taqdimot tashkil etildi.
Unda 2026-yilda aholini ijtimoiy himoya qilish tizimida joriy etiladigan yangiliklar, ijtimoiy xizmatlar sifati va manzilliligini oshirish borasida amalga oshiriladigan vazifalar atroflicha muhokama qilinib, markaz hamda mahallalarda faoliyat yuritayotgan ijtimoiy xodimlarning hisobotlari tinglandi.
Tadbirda Samarqand shahar hokimi Fazliddin Umarov ishtirok etib, xizmat ko‘rsatish jarayoniga innovatsion texnologiyalarni keng joriy etish, shaffoflikni ta’minlash va aholining ijtimoiy xizmatlardan xabardorligini oshirish zarurligini ta’kidladi.
Yakunida ijtimoiy himoya tizimida yuqori natijalarga erishgan bir guruh xodimlarga tashakkurnoma topshirildi.