📌 Yoshlar tadbirkorligini rivojlantirishga qaratilgan loyihalar bilan tanishildi
2026-07-20 18:45:00 / Yangiliklar
Respublika ishchi guruhi tomonidan Rishton tumanida yoshlarga oid davlat siyosati ijrosi yuzasidan olib borilayotgan o‘rganishlar doirasida “Vohim” mahalla fuqarolar yig‘ini hududida yoshlar bandligini ta’minlash va ularning tadbirkorlik tashabbuslarini qo‘llab-quvvatlashga qaratilgan istiqbolli loyihalar o‘rganildi.
Ishchi guruh a’zolari loyihalarni amalga oshirish rejalashtirilgan hududni ko‘zdan kechirib, mavjud imkoniyatlar, infratuzilma holati hamda kelgusida tadbirkorlik faoliyatini yo‘lga qo‘yish uchun yaratilishi zarur bo‘lgan sharoitlar bilan yaqindan tanishdilar.
O‘rganish davomida mahalla yoshlar yetakchisi va hokim yordamchisi tomonidan yoshlar uchun yangi ish o‘rinlari yaratish, ularni daromadli faoliyatga jalb etish hamda tadbirkorlik tashabbuslarini ro‘yobga chiqarishga qaratilgan takliflar taqdim etildi.
Shuningdek, ilgari surilgan tashabbuslarni amaliyotga tatbiq etish yuzasidan fikr almashildi.