Farg'ona viloyati Rishton tumani hokimligi

Joriy yilda ham Rishton tumanida ushbu sana munosib ravishda nishonlandi. Tuman hokimligi tashabbusi bilan tashkil etilgan tadbirda tuman rahbarlari, mudofaa, huquq-tartibot va xavfsizlikni ta’minlovchi organlar vakillari, tashkilot rahbarlari, nuroniylar, jamoatchilik faollari hamda yoshlar ishtirok etdi.
Tadbir avvalida Ikkinchi jahon urushi qahramonlari Mamadali Topvoldiyev va To‘xtasin Ahmedov qabrlariga gulchambar qo‘yilib, halok bo‘lgan jangchilar va barcha o‘tganlar xotirasi yodga olindi. Qur’on oyatlari tilovat qilinib, ruhlariga bag‘ishlab duo qilindi.
Xotira tadbiri davomida nutq so‘zlaganlar tinchlik va erkinlik uchun kurashgan ajdodlar jasoratini yuksak baholab, bugungi avlod uchun ularning ruhini ulug‘lash katta mas’uliyat ekanini ta’kidlashdi. Shuningdek, mustaqil O‘zbekistonda inson huquqlari, sha’ni va qadr-qimmatini ta’minlash davlat siyosati darajasiga ko‘tarilgani qayd etildi.
Albatta, Vatan ravnaqi, tinchligi va erkinligi uchun jon fido qilgan fidoyilar xotirasi yurtimizda har doim e’zozlanadi. Bu ezgu an’analarni davom ettirish, yosh avlodni vatanparvarlik va sadoqat ruhida tarbiyalash esa har birimizning muqaddas burchimizdir.