“Payshanba — yoshlar kuni” munosabati bilan Rishton tumanida yoshlar bilan ochiq muloqot o‘tkazildi.
2026-04-16 10:55:00 / Yangiliklar
Ushbu tashabbus doirasida Rishton tumani hokimi Bahodirjon Xoliqov hamda tuman prokurori Rashidbek Mehmonovlar 18-maktabda o‘quvchi-yoshlar bilan uchrashdi.
Uchrashuv davomida yoshlar tomonidan ta’lim sifati, bo‘sh vaqtni mazmunli tashkil etish, kasb tanlash kabi dolzarb masalalar yuzasidan qator taklif va mulohazalar bildirildi. Har bir murojaat diqqat bilan tinglanib, ularni hal etish bo‘yicha zarur choralar ko‘rilishi ta’kidlandi.
Shuningdek, yoshlarning kelajak rejalari, orzu-intilishlari haqida ham fikr almashildi. Ularni qo‘llab-quvvatlash, zamonaviy bilim va ko‘nikmalarni egallashlari uchun yaratilayotgan imkoniyatlar xususida batafsil ma’lumot berildi.
Mazkur uchrashuv yoshlar bilan ochiq va samimiy muloqotni kuchaytirish, ularning fikrini inobatga olish hamda muammolariga yechim topishda muhim ahamiyat kasb etdi.