Quvasoy shahari hokimligi

Shahar hokimi Zafarjon To‘raqulov Xitoyning “Zhong’an Materials Technology Co., Ltd.” kompaniyasi vakillari bilan uchrashuv o‘tkazdi. Muloqot chog‘ida kompaniya Quvasoyda mebel ishlab chiqarish faoliyatini yo‘lga qo‘yish istagini bildirdi. Mazkur tashabbusni amalga oshirish uchun Qo‘qon erkin iqtisodiy zonasi Quvasoy filiali hududidan bo‘sh yer maydonlari tavsiya qilinib, auksion orqali taqdim etildi. Shuningdek, xitoylik investorlar tomonidan “Zhong an jian zhu fa zhan” nomli xorijiy korxona davlat ro‘yxatidan o‘tkazildi. Bugungi uchrashuvda auksion jarayonlari va hujjatlarni rasmiylashtirish masalalari muhokama qilindi. Tomonlar qisqa muddat ichida qurilish ishlarini boshlash va korxonani tez fursatda ishga tushirish bo‘yicha kelishuvga erishdi. Ushbu loyiha Quvasoy shahrida yangi ishlab chiqarish quvvatlarini yaratib, mahalliy aholiga qo‘shimcha ish o‘rinlari taqdim etishi kutilmoqda.