Quvasoyda yoshlarning IT va robototexnika yo‘nalishidagi qiziqishlari bilan tanishildi
2026-05-21 13:00:00 / Yangiliklar
Yoshlar kuni doirasida Quvasoy shahar hokimligi hamda huquqni muhofaza qiluvchi idoralar vakillari 3-umumiy o‘rta ta’lim maktabida bo‘lib, o‘quvchilarning darsdan keyingi faoliyati bilan yaqindan tanishdilar.
Tashrif davomida yoshlar robototexnika va IT yo‘nalishida erishayotgan yutuqlari, amalga oshirayotgan loyihalari hamda kelgusidagi rejalari haqida ma’lumot berdilar.
Mas’ullar tomonidan o‘quvchilarning bo‘sh vaqtlarini mazmunli tashkil etish, turli to‘garak mashg‘ulotlarida faol qatnashish hamda bugungi zamon talablariga mos kasb va hunarlarni egallash bo‘yicha tavsiyalar berildi.
Uchrashuv yoshlarning zamonaviy texnologiyalarga bo‘lgan qiziqishini qo‘llab-quvvatlash va ularni yangi marralar sari ruhlantirishga xizmat qildi.