Qorovulbozor yoshlari “Yoshlar va qonun” tanlovining viloyat bosqichida 1-o‘rinni egallashdi.
2025-08-07 18:35:00 / Yangiliklar
“Yoshlar va qonun” tanlovining viloyat bosqichida Qorovulbozor tumanidagi “Tinchlik” mahallasi yoshlari munosib ishtirok etib, faxrli 1-o‘rinni qo‘lga kiritishdi.
Tanlov doirasida yoshlar o‘z huquqiy bilimlari, ijtimoiy faolligi, sahna ko‘rinishlari hamda qonunlarga hurmat bilan yondashish madaniyatini keng yoritib berishdi.
Ayniqsa, “Tinchlik” mahallasi jamoasi sahna chiqishi, interfaol savol-javoblar va jamoaviy bilim sinovlarida yuqori darajadagi tayyorgarligi bilan ajralib turdi.
Jamoamiz endilikda tanlovning respublika bosqichida viloyatimiz sharafini himoya qiladi.
Ularga bu yo‘lda omad va muvaffaqiyatlar tilaymiz!
✍️ Qorovulbozor tumani hokimligi matbuot xizmati