Tadbirkor ayol “Yetakchi ayollar klubi rahbari”ga aylandi.
2025-08-05 20:45:00 / Yangiliklar
Davlatimiz rahbarining ayollar tadbirkorligi va ishbilarmonligini qo‘llab-quvvatlashga qaratilgan tashabbuslaridan ilhomlanib qorovulbozorlik xotin-qizlar ham yangidan yangi tashabbuslarga qo‘l urishmoqda.
Shunday tashabbuskor ayollarimizdan biri Mahliyo Rahmonovadir.
Qahramonimiz 5 yildan beri quroqchilik bilan shug‘ullanib kelmoqda. Hozirda o‘z sexini ishga turishgan tadbirkor ayollarimizdan biri.
Bugungi kunda kelib mo‘jazgina sexda quroqchilik mahsulotlari, kelin va kiyovlarning marosim kiyimlari, bolalar uchun kiyim-kechaklar va o‘yinchoqlar tayyorlanmoqda.
Buning ortidan esa yaxshigina daromadga ham ega bo‘lmoqda, albatta.
“Cho‘lquvar” mahallasi hududida tashkil etilgan sexda 10 nafar xotin-qizlarning bandligi ta’minlangan. Bundan tashqari, 10 dan ortiq shogirtlar kasb-hunarga o‘qitilmoqda.
Yaqinda tadbirkor ayolimiz viloyat xotin-qizlar boshqarmasi tomonidan tumanda “Yetakchi ayollar klubi rahbari” sifatida tayinlanib, ishonch yorliqlarini qabul qilib oldi. Bu ham qahramonimizning mehnatlari samarasidir.
Bu kabi tashabbuslarning amalga oshirilishi xotin-qizlarimizning bandligini ta’minlashda muhim ahamiyat kasb etadi.
Qorovulbozor tumani hokimligi matbuot xizmati