Qorovulbozor: “Istiqlol” fermer xo‘jaligi g‘alla topshirish rejasini 100 tonna ortig‘i bilan bajardi.
2025-06-20 08:20:00 / Yangiliklar
Fermer xo‘jaligi rahbari Hasan Ro‘ziyev yer bilan tillasha oladigan haqiqiy mirishkor dehqonlarimizdan biri.
Mazkur fermer xo‘jaligi 125 gektar maydonda "Aleksiyevich" navli g‘alla yetishtirib, 375 tonnalik davlat rejasini qarib 100 tonna ortig‘i bilan bajardi.
Albatta ushbu natijalar ortida mashaqqatli mehnat turganligini unutmasligimiz lozim.
-Mehnatlarimiz samarasi o‘laroq joriy yilda g‘alladan mo‘l hosil yig‘ishtirib oldik. Shartnomaviy rejani ortig‘i bilan bajarib yuzimiz yorug‘ bo‘ldi. Endilikda daromadimizdan texnikalar xarid qilish, ishchilarimizning moddiy manfaatdorligini oshirishga sarflaymiz. Gʻalladan bo‘shagan maydonlarga ozuqa ekin sifatida makkajo‘xori hamda kechki kartoshka ekyapmiz. Bu ham fermer xo‘jaligimiz iqtisodiy imkoniyatlarini oshirishga yordam beradi – deydi Hasan Ro‘ziyev.
Hasan Ro‘ziyev o‘z dalasida 2 gektar maydonda piyoz ham yetishtirmoqda. Piyozdan 40-45 sentner hosil olish ko‘zlangan.
105 gektar yerga qo‘shqator usulida “xitoy” navli chigit qadalgan.
Ekilgan paxtalar ham ko‘zni quvontiradi. Qo‘shqator usulida ekilganligi hosilni oshirishga imkon yaratmoqda. Qahramonimiz paxtadan 70-80 sentner hosil olishni maqsad qilgan. Buning uchun esa agrotexnik tadbirlar o‘z vaqtida olib borilmoqda.
Mana shunday fermerlarimiz bor ekan, dasturxonlarimiz to‘kin, bozorlarimiz arzon bo‘laveradi.
Qorovulbozor tumani hokimligi matbuot xizmati