Buxoro viloyati Qorovulbozor tumani hokimligi

Yurtimizda Vatan himoyasi kabi ulug‘vor ishga o‘zini bag‘ishlagan harbiylarimiz katta hurmat va e’zoz bilan qadrlanib, har yili “14-yanvar – Vatan himoyachilari kuni” katta bayram va shodiyona bilan o‘tkaziladi.

Mazkur sana hamda Qorovulbozor tumani tashkil etilganligining 33 yilligi munosabati bilan bayram tadbiri tashkil etildi. 

Tuman madaniyat markazida tashkil etilgan tadbirda tuman hokimi, tuman hokimining o‘rinbosarlari, harbiy qism hamda korxona va tashkilot rahbarlari, nuroniylar, yoshlar va keng jamoatchilik vakillari ishtirok etishdi.

Tadbirda tuman hokimi O‘tkir Hamroyev so‘zga chiqib, barchani qo‘shaloq bayram bilan tabriklab, o‘zining samimiy tilaklarini bildirdi.  

Shundan so‘ng, bir guruh vatan himoyachilari va tumanimiz ravnaqi yo‘lida samarali mehnat qilib kelayotgan bir guruh faxriylarga tuman hokimining tashakkurnomasi va esdalik sovg‘alari topshirildi. 

Shuningdek, tadbir davomida harbiy qurol-aslahalarning ko‘rgazmasi ham tashkil etildi. 

Shundan so‘ng, bayram tadbirlari bir piyola choy ustida davom etdi. 

 Qorovulbozor tumani hokimligi matbuot xizmati