Qorovulbozor tumanida umumiy oʻrta taʼlim maktablari oʻquvchilari oʻrtasida ʼʼHuquqiy-maʼrifiy bilimdonʼʼ koʻrik-tanlovi oʻtkazildi.
2025-11-22 14:50:00 / Yangiliklar
Tanlovni oʻtkazishdan maqsad yosh avlod ongida huquq va burch, halollik va poklik tushunchalarini singdirib borish, Konstitutsiyaning muhim jihatlarini ularga bolaligidan boshlab oʻrgatish, vatanparvarlik tuygʻularini rivojlantirish, oʻquvchilar oʻrtasida huquqiy madaniyatni shakllantirishdan iborat.
Koʻrik-tanlov umumtaʼlim maktablarining 9-11 sinf oʻquvchilari oʻrtasida oʻtkazildi va Nizomga belgilangan test sinovi, huquqiy bilimdonlik hamda sahna koʻrinishi shartlari asosida hakamlar hayʼati tomonidan baholanib borildi.
Yakuniy natijalarga koʻra:
1-oʻrinni 1-maktabning ʼʼLEX PROʼʼ jamoasi;
2-oʻrinni 4-maktabning ʼʼParlamentʼʼ jamoasi;
3-oʻrinni 3-maktabning ʼʼAdolatʼʼ jamoalari qoʻlga kiritdilar.
ʼʼLEX PROʼʼ jamoasiga viloyat bosqichida omad tilaymiz.
Qorovulbozor tumani hokimligi matbuot xizmati