O‘zbekiston Respublikasi Oila va xotin-qizlar qo‘mitasi mas’ul xodimi, qo‘mita ishchi guruh a’zosi Aziza Maxmudova tomonidan sayyor qabul o‘tkazildi
2025-10-10 19:30:00 / Sayyor qabul
O‘zbekiston Respublikasi Oila va xotin-qizlar qo‘mitasi mas’ul xodimi, qo‘mita ishchi guruh a’zosi Aziza Maxmudova tomonidan sayyor qabul o‘tkazildi.
Qabul davomida fuqarolar bilan yuzma-yuz muloqot qilinib, ularning muammolari va takliflari tinglandi. Umumiy hisobda 15 ta murojaat qabul qilindi. Shundan 7 tasi joyida ijobiy hal etilib, 8 ta murojaat qo‘shimcha o‘rganish va tegishli tashkilotlar bilan hamkorlikda ko‘rib chiqilishi uchun ijroga qaratildi.
Qabul jarayonida ko‘tarilgan masalalar asosan bandlik, ijtimoiy himoya, sog‘liqni saqlash va uy-joy bilan bog‘liq bo‘lib, har bir murojaat mas’ullar tomonidan diqqat bilan ko‘rib chiqildi. Masalan, “Tinchlik” mahallasida yashovchi fuqaro T.F. sog‘ligida jiddiy muammolari borligi, ammo davolanish uchun moddiy imkoniyati yetarli emasligini bildirdi. Mazkur murojaat yuzasidan tuman sog‘liqni saqlash birlashmasi mas’ul xodimi Sh. Narziyev biriktirilib, fuqaroning tuman tibbiyot birlashmasida bepul davolanishi uchun ro‘yxatga olinishi ta’minlandi.
Shu kabi murojaatlarning zudlik bilan hal etilishi aholining mamnuniyatini oshirmoqda. Sayyor qabullar aholiga o‘z muammolarini bevosita mutasaddilarga yetkazish, joyida hal etish va ijtimoiy adolatni ta’minlashda muhim vosita bo‘lib xizmat qilmoqda.
Oila va xotin-qizlar qo‘mitasi mas’ullari ta’kidlaganidek, bunday qabullar muntazam ravishda tashkil etilib, xalq bilan muloqot qilish, ularning hayotida yuzaga kelayotgan muammolarni bartaraf etish orqali aholining davlat idoralariga bo‘lgan ishonchi va e’tiborini mustahkamlashga qaratilgan.