Qorako’l tuman prokurori Diniyev Dilmurod Ruzimurotovichning MUROJAATNOMASI
2025-08-08 16:20:00 / Rahbariyatning bayonotlari va nutqlari
Qorako’l tumanida 2025-yilning o‘tgan davrida sodir etilgan jinoyatlar va qonunbuzarliklarning tahlili qilindi.
Bunda, Sizga yetkazishimiz juda ham muhim bo’lgan bir-ikki masalani e’tiboringizga havola qilmoqchiman.
Jinoyatlarni sodir etgan shaxslar bo‘yicha jinoiy ta’qibni ta’minlash va sodir etilishi mumkin bo‘lgan jinoyatlarning oldini olishga qaratilgan choralar muttasil ravishda takomillashtirilayotgani o‘zining samarasini bermoqda.
Aziz yurtdoshlar!
Yuqorida aytganimdek tumanda tinchlik va osoyishtalikni saqlash, jinoyat va huquqbuzarliklarni barvaqt oldini olish maqsadida barcha huquqni muhofaza qiluvchi organ xodimlari tun-u-kun xizmat olib borishmoqda.
Jumladan, bu davrda umumiy jinoyatchilik 80 (51) tani tashkil qilib, 63,75 foizga oshgan bo‘lsada, oldini olish mumkin bo‘lgan jinoyatlar 18 (37) tani tashkil qilib 103 foizga kamayishga erishilgan, aniqlanadigan jinoyatlar 33 (14) tani tashkil etadi.
Amalga oshirilgan ishlar natijasida tumanda qotillik, oilaviy zo‘ravonlik, bosqinchilik, talonchilik jinoyatlari sodir etilmagan.
Biroq, jinoyatchilikka qarshi kurashish, uni barvaqt oldini olish, huquqbuzarliklar profilaktikasini joylarda tizimli tashkil etish, jamoatchilik bilan aloqalarni kuchaytirish, jinoyatchilik va huquqbuzarliklarni oldini olish, mahallalarda sog’lom muhitni yaratish borasidagi ishlarning yetarli darajada olib borilmaganligi sababli giyohvandlik jinoyati 7 (5-12) taga ko‘paygan.
Sodir etilgan jinoyatlarning 1 tasi ayollar, 5 tasi yoshlar, 2 tasi mast holdagi, 2 tasi muqaddam sudlanganlar tomonidan sodir etilib, bu toifadagi shaxslar tomonidan sodir etilgan jinoyatlarning oshishiga sabab bo‘lgan.
Kelgusida jinoyatchilikni oldini olish maqsadida Prezidentimizning “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish bo‘yicha chora-tadbirlar to‘g‘risida”gi 03.01.2025 yildagi PQ-1-sonli qarorlariga asosan tumandagi o‘zini-o‘zi boshqarish organlari hududlarining kriminogen vaziyatlarini inobatga olgan holda 50 ta mahalla va chegara hududlarida “Jamoatchilik nazorati maskan”lari tashkil etilgan bo‘lib, mahalla markazlari, qishloq va ko‘chaga kirish joylarida videokuzatuv kameralari o‘rnatilgan.
Huquqbuzarliklar profilaktikasi va jinoyatchilikka qarshi kurashish bo‘yicha tuman idoralararo komissiyasi tomonidan jinoyat va huquqbuzarliklar profilaktikasini amalga oshirish yuzasidan dasturlar ishlab chiqilgan.
Tuman IIB HPB HTM profilaktika inspektorlari tomonidan g‘ayriijtimoiy xulq-atvorga ega bo‘lgan shaxslarga nisbatan kuzatiladigan yoki huquqbuzarliklar sodir bo‘lib turadigan joylarda o‘tkazilgan tahlillar asosida tuman hududida tungi patrullik yo‘nalishlari tashkil etilgan.
Tumanda butun rivojlangan davlatlar kabi hayotning suratlari kun sayin jadallashmoqda, o‘zgarishlar, yangilanishlar ko‘p. Ana shu jarayonning xavfsiz va sog‘lom kechishini ta’minlash uchun barcha choralarni ko‘ramiz.
Fursatdan foydalanib, barchangizga mustahkam sog‘liq, xonadoningizga xotirjamlik, fayzu-baraka tilayman!
E’tiboringiz uchun rahmat!