Qorako‘l tumani yoshlar yetakchilari umumxalq xayriya hashari doirasida faol ishtirok etmoqda
2026-03-14 10:45:00 / Yangiliklar
Jumladan, Qorako‘l tumani Yoshlar ishlari bo‘limi yetakchilari tashabbusi bilan Chandirobod mahallasida hashar ishlari uyushqoqlik bilan tashkil etildi. Tadbirda mahalla yoshlari hamda jamoatchilik vakillari faol qatnashib, hududni yanada obod va saranjom qilishga o‘z hissalarini qo‘shdilar.
Hashar davomida mahalla qabristoni hududi tozalanib, to‘planib qolgan xas-hashaklar yig‘ishtirildi hamda atrof-muhit obodonlashtirildi. Shuningdek, daraxtlar atrofi tartibga keltirilib, hudud yanada pokiza va ozoda holga keltirildi.
Ta’kidlash joizki, bunday umumxalq hasharlari nafaqat hududlarni obod qilishga, balki yoshlar o‘rtasida hamjihatlik, mehnatsevarlik va Vatanga mehr tuyg‘ularini mustahkamlashga xizmat qiladi. Ayniqsa, muqaddas qadamjolarni obod saqlash, atrof-muhitni asrash kabi ezgu ishlar yoshlar uchun ibrat maktabi bo‘lib xizmat qilmoqda.