Aholi bilan ochiq muloqot: Qiziriq tumanida navbatdagi fuqarolar qabuli o‘tkazildi
2026-10-23 17:45:00 / Tuman hokimi va uning o‘rinbosarlari tomonidan o‘tkazilgan sayyor qabullar
Qiziriq tuman adliya bo‘limi binosida joylashgan Xalq qabulxonasida tuman hokimi Sherxon Allamurotov ishtirokida navbatdagi fuqarolar qabuli bo‘lib o‘tdi.
Muloqot jarayonida aholini qiynayotgan muammolar, taklif va murojaatlar yuzma-yuz tinglandi. Qabul davomida fuqarolar asosan quyidagi yo‘nalishlar bo‘yicha murojaat qilishdi:
⏺️ Ijtimoiy yordam ko‘rsatish va qo‘llab-quvvatlash;
⏺️ Kommunal sohadagi masalalar;
⏺️ Mahallarning infratuzilmasini rivojlantirish hamda boshqa dolzarb muammolar.
Natija va nazorat: Uchrashuvda ko‘rib chiqilgan har bir masala bo‘yicha tegishli soha rahbarlariga aniq vazifalar yuklatilib, ularni qonuniy va amaliy hal etish uchun muayyan muddatlar belgilandi. Shu joyning o‘zida yechilishi mumkin bo‘lgan murojaatlarga huquqiy tushuntirishlar berildi. Qo‘shimcha o‘rganish va vaqt talab etadigan masalalar esa mas’ul idoralar bilan birgalikda alohida nazoratga olindi.
Inson qadrini ulug‘lash va uning manfaatlarini ta’minlash — har bir murojaatga mas’uliyat bilan yondashish hamda ularga aniq yechim topishdan iboratdir.