Payshanba — Yoshlar kuni munosabati bilan Qiziriq tumanida yoshlar bilan ochiq muloqot va uchrashuv tadbiri bo‘lib o‘tdi.
2026-06-04 17:00:00 / Yangiliklar
Unda Qiziriq tumani hokimi Sh.Allamuratov, tuman prokurori Sh.Mamirqulov hamda IIB boshlig‘i S.Nazirov ishtirok etib, murojaati mavjud bo‘lgan yoshlar bilan yuzma-yuz suhbatlashdilar.
Uchrashuv davomida yoshlarning bandligini ta’minlash, tadbirkorlik faoliyatini yo‘lga qo‘yish, ta’lim olish, uy-joy, kredit va subsidiya masalalari hamda boshqa ijtimoiy muammolar yuzasidan murojaatlari tinglandi. Har bir masala atroflicha o‘rganilib, ularni hal etish bo‘yicha mas’ullarga tegishli topshiriqlar berildi.
Tadbirda yoshlarning taklif va tashabbuslari ham eshitilib, ularni qo‘llab-quvvatlash, bo‘sh vaqtini mazmunli tashkil etish hamda kelgusida o‘z salohiyatini namoyon etishi uchun yaratilayotgan imkoniyatlar haqida batafsil ma’lumot berildi.
Yoshlar bilan bunday ochiq muloqotlar ularning muammolarini o‘z vaqtida hal etish, huquq va manfaatlarini himoya qilish hamda davlat va jamiyat hayotidagi faolligini yanada oshirishga xizmat qilmoqda.