Navoiy viloyati Qiziltepa tumani hokimligi

             Korrupsiya –nafaqat  pul  yoki  manfaat   evaziga  qilingan  noqonuniy  kelishuv,  balki  jamiyatning  adolat,  halollik va  tenglik  tamoyillarini  ich-ichidan  yemiradigan  xavfli  illatdir . U  bir  qarashda  kichik  tuyulgan  harakatlar  orqali  boshlanib,  asta-sekin   butun  tizimga  zarar  yetkazadi.

Qiziltepa  tuman  iqtisodiyot  va  moliya  bo’limida  tashkil  etilgan  davra  suhbati  ham  ana  shu  muhim  masala  muhokamasiga  bag’ishlanadi.   Davra  suhbatida   mamlakatimizda  Prezidentimiz  rahbarligida  boshlangan  islohotlar  mohiyatiga  to’xtalib,  jumladan,  korrupsiyaga  qarshi  kurash  yo’nalishida   olib  borilayotgan  ishlar  har  bir  sohaning  jadal  rivojlanishi  uchun  asos  bo’lib xizmat  qilayotganligini  qayd  etildi.

Ta’kidlanganidek,  2022-yil  25-oktabrda  qabul  qilingan  va Senat  tomonidan  2023-yil  1-iyunda   ma’qullangan   hamda  2024-yil  6-dekabrdan  kuchga  kirgan    “Manfaatlar  to’qnashuvi  to’g’risida” gi  O’zbekiston  Respublikasi  Qonuni   jamiyat   va  davlat uchun    muhim  ahamiyatga  ega  bo’lib,  uning   qabul  qilinishi  ochiqlik  va  shaffoflikni  ta’minlash,  shuningdek,  korrupsiya  kabi  salbiy  holatlarni  bartaraf  etishda  sezilarli  o’rin  egallaydi.  Mazkur  qonun  33-moddadan  iborat  va  manfaatlar  to’qnashuvini    tartibga  solish  ,  unga  oid  munosabatlarni  aniqlash,  manfaatlar  to’qnashuvi  haqida  axborotni  oshkor  qilish  va  uni  bartaraf  etish  boyicha    chora-tadbirlarni  belgilaydi.  Shuningdek,  qonun  davlat  tashkilotlaridagi    davlat  tashkilotlaridagi   xodimlarning  huquq  va  majburiyatlarini  aniq  tartibga  soladi.

Bu, avvalo,  har qanday  sohadagi  rivojlanish  to’sig’i  bo’lmish   korrupsion  holatlarning  oldini  oladi,  ya’ni  shaxsning  o’z  mansab  yoki  xizmat  mavqeidan    shaxsiy   manfaatlari   maqsadida  qonunga  xilof  ravishda  foydalanish  yo’lidagi  xatti-harakatlarining  bir qismini bartaraf  etadi,  davlat  budjeti  noqonuniy  o’zlashtirilishining  oldini  oladi,  davlat  tashkilotlarida    mehnat  munosabatlari  va  davlat  xaridlarining  ochiqligi  va  shaffoligini  ta’minlaydi.

Davra  suhbati  davomida  qonun  bilan  belgilangan  huquq  va  majburiyatlar  batafsil  tushuntirildi.  Ularni  o’z  faoliyatiga  tatbiq  etish  har  bir  xodimning  burchi  ekanligi  qayd  etildi.    Zero,    jamiyatdagi   har  bir  islohot,  avvalo,  inson  ongidagi  o’zgarishdan  boshlanadi.

J.Hojiyev,

Qiziltepa  tuman  iqtisodiyot  va moliya bo’limi  boshlig’i  o’rinbosari.