Amaliy tashrif samarasi: xitoylik investorlar bilan yangi loyihalar muhokama qilindi
2026-09-22 18:05:00 / Yangiliklar
Qibray tumani hokimi Muzaffar Rashidov Xitoy Xalq Respublikasining Innosource Power FE LLC kompaniyasi Bosh direktori yordamchisi Wang Chen bilan uchrashdi.
Uchrashuvda tumanning investitsiyaviy salohiyati, sanoat va ishlab chiqarish yo‘nalishlarida hamkorlikni kengaytirish hamda yangi loyihalarni amalga oshirish masalalari, xususan, Innosource Power FE LLC kompaniyasining turli elektr jihozlari, jumladan, elektr ta’minoti va energetika sohasida qo‘llaniladigan uskunalarni ishlab chiqarish yo‘nalishidagi faoliyatini tumanda yo‘lga qo‘yish istiqbollari muhokama qilindi.
Ta’kidlash joizki, mazkur uchrashuv Qibray tumani hokimining Xitoy Xalq Respublikasiga amalga oshirgan amaliy tashrifi davomida erishilgan kelishuvlarni izchil davom ettirish, xitoylik investorlar bilan aloqalarni mustahkamlash hamda tumanga yangi investitsiya loyihalarini jalb etish borasidagi ishlarning amaliy davomi bo‘ldi.
Muloqot davomida kompaniya vakillariga tumandagi mavjud investitsiya imkoniyatlari va loyihalarni amalga oshirish uchun yaratilayotgan shart-sharoitlar haqida ma’lumot berildi. Hamkorlikning istiqbolli yo‘nalishlari yuzasidan fikr almashildi.
Uchrashuv yakunida tomonlar o‘zaro manfaatli hamkorlikni davom ettirish va istiqbolli loyihalarni amaliy bosqichga olib chiqish bo‘yicha kelishib oldilar.