Tuman hokimi eksport hajmini kamaytirgan eksportyor korxonalar rahbarlari va investorlar bilan uchrashdi
2026-08-15 15:05:00 / Yangiliklar
Qibray tumani hokimi Muzaffar Rashidov tumandagi yirik eksportyor korxonalar rahbarlari bilan uchrashib, korxonalarning eksport faoliyati, mavjud imkoniyatlari hamda kelgusidagi rejalarini muhokama qildi.
Qibray tumani hokimi Muzaffar Rashidov tumandagi yirik eksportyor korxonalar rahbarlari bilan uchrashib, korxonalarning eksport faoliyati, mavjud imkoniyatlari hamda kelgusidagi rejalarini muhokama qildi.
Uchrashuvda davlat rahbari raisligida o‘tkazilgan videoselektor yig‘ilishida belgilangan vazifalardan kelib chiqib, joriy yil yakuniga qadar eksport hajmini oshirish, yangi eksport bozorlarini o‘zlashtirish hamda to‘g‘ridan-to‘g‘ri xorijiy investitsiyalarni jalb etish bo‘yicha amalga oshirilishi lozim bo‘lgan ishlar muhokama qilindi.
Muloqot davomida korxonalarning eksport ko‘rsatkichlari tahlil qilinib, eksport hajmini kamaytirgan yoki mavjud imkoniyatlaridan to‘liq foydalanmayotgan tadbirkorlik subyektlarining muammolari o‘rganildi.Shuningdek, mahsulotlarni xorijiy bozorlarga olib chiqish, ishlab chiqarish quvvatlarini kengaytirish, yangi investitsiya loyihalarini amalga oshirish hamda eksport geografiyasini kengaytirish borasida takliflar bildirildi.
Tuman hokimi tadbirkorlar tomonidan ko‘tarilgan masalalarni tegishli mutasaddilar bilan birgalikda ko‘rib chiqib, mavjud muammolarni bartaraf etish va eksport ko‘rsatkichlarini oshirish bo‘yicha zarur choralarni ko‘rish yuzasidan mas’ullarga tegishli topshiriqlar berdi.