Qibraylik iqtidorli yoshlar xalqaro tanlovlarda yuksak natijalarni qo‘lga kiritdi
2026-03-10 10:00:00 / Yangiliklar
Joriy yilning 6–9-mart kunlari "Astana stars" xalqaro ijodiy harakati tomonidan o‘tkazilgan "Samarqand grand festival" xalqaro tanlovida turli davlatlardan kelgan iste’dodli ijodkorlar qatorida ishtirok etgan mazkur tanlovda Qibray tumani 2-sonli Bolalar musiqa va san’at maktabi xoreografiya bo‘limi o‘qituvchisi Umida Artikova boshchiligidagi “Chashma” hamda “Chamma Kids” raqs guruhlari xalq raqslari va zamonaviy raqs yo‘nalishlarida ishtirok etib, tanlovning mutlaq g‘olibi bo‘ldi. Gran-pri mukofotini qo‘lga kiritgan iqtidorli qizlarimiz "Azerbaijan Grand Festival" hamda "Antalya Spring Festival" xalqaro tanlovlarida ishtirok etish uchun bepul yo‘llanmani ham qo‘lga kiritdi.
Shuningdek, Qirg‘iziston Respublikasining Bishkek shahrida bo‘lib o‘tgan “BALA-CHAK – 2026” VII xalqaro tanlov-festivalida mazkur maktabining 5-sinf o‘quvchisi Fozila Musayeva ham munosib ishtirok etib, tanlovning Gran-pri mukofotiga sazovor bo‘ldi.
Ushbu yutuqlar Qibray tumanida yosh iste’dodlarni qo‘llab-quvvatlash va ularning ijodiy salohiyatini rivojlantirish borasida amalga oshirilayotgan ishlarning yana bir yorqin natijasidir.