E’tibor va g‘amxo‘rlik: Nogironligi bo‘lgan fuqaroga aravachalar topshirildi
2026-02-16 18:10:00 / Yangiliklar
Qibray tumani hokimi o'rinbosari A.Turg‘unov Darxan mahallasida istiqomat qiluvchi 1-guruh nogironi Nurlan Namozov xonadonida bo‘lib, uning yashash sharoiti va sog‘lig‘idan xabar oldi. Shuningdek fuqaroning ehtiyojlari o‘rganilib, oilasiga zarur ijtimoiy ko‘mak ko‘rsatish masalasiga alohida e’tibor qaratdi.
Nurlan akaning kundalik hayotini yengillashtirish hamda uning harakatlanish imkoniyatlarini kengaytirish maqsadida unga O‘zbekiston Respublikasi Prezidenti huzuridagi Ijtimoiy himoya milliy agentligi Toshkent viloyati boshqarmasi tomonidan ajratilgan 2 dona nogironlar aravachasi topshirildi.
Bunday e’tibor va g‘amxo‘rlik nogironligi bo‘lgan fuqarolarni har tomonlama qo‘llab-quvvatlash, ularning ijtimoiy hayotda faol ishtirokini ta’minlash borasida muhim ahamiyat kasb etadi.