Tuman hokimi xitoylik sarmoyadorlar bilan yirik investitsiya loyihasini muhokama qildi
2026-01-27 19:30:00 / Yangiliklar
Qibray tumani hokimi Muzaffar Rashidov xitoylik tadbirkorlarni qabul qilib, tumanda “Armada AAC” yirik gazablok zavodi hamda zamonaviy sanoat majmuasini barpo etish bo‘yicha loyiha takliflari bilan tanishdi.
Umumiy loyiha qiymati 15 million AQSH dollarini tashkil etuvchi mazkur tashabbus doirasida zamonaviy texnologiyalar asosida ishlaydigan ishlab chiqarish korxonasini tashkil etish, mahalliy xomashyodan samarali foydalanish hamda ichki va qo'shni davlatlar bozorini sifatli qurilish materiallari bilan ta’minlash ko‘zda tutilgan.
Shuningdek, muloqot davomida loyihani amalga oshirish bosqichlari, yer maydoni ajratish, muhandislik-kommunikatsiya tarmoqlari bilan ta’minlash, shuningdek, yangi ish o‘rinlari yaratish masalalari atroflicha muhokama qilindi.
Tuman hokimi mazkur loyiha Qibray tumani uchun ham manfaatli ekanini ta’kidlab, tomonlar o‘zaro hamkorlikni yanada rivojlantirish yuzasidan fikr almashdilar.