Mosh eksporti bo‘yicha yangi imkoniyatlar
2025-10-24 19:15:00 / Yangiliklar
Qonliko‘l tumani hokimi B.Sultаnov tumanda yetishtirilayotgan qishloq xo‘jaligi mahsulotlarini, xususan, moshni tashqi bozorga eksport qilish masalalari bo‘yicha "GLOBAL EKSPORT" eksportchi kompaniyasi raisi Aziz Nurov va boshqa tegishli vakillari bilan uchrashdi.
Uchrashuvda mahalliy fermer va dehqon xo‘jaliklari mahsulotini tashqi bozorga chiqarish, eksport hajmini oshirish, yangi bozorlar bilan hamkorlik qilish choralari belgilandi.
Tumanda qishloq xo‘jaligi - mahalliy iqtisodiyotning asosiy drayveri bo‘lib, uni rivojlantirish, eksport salohiyatini oshirish orqali aholi daromadini ko‘paytirish va yangi ish o‘rinlari yaratishga xizmat qiladi.
Shuningdek, kompaniya vakillari tumandagi imkoniyatlar bilan tanishib, kelgusida uzoq muddatli hamkorlikni yo‘lga qo‘yishga tayyorligini bildirdi.