Ayollar huquqlarini himoya qilish - jamiyat barqarorligining mustahkam poydevori
2026-05-04 08:55:00 / Yangiliklar
19-sonli umumta’lim maktabida tazyiq va zo‘ravonlik holatlarining oldini olish, shuningdek, o‘quvchi-yoshlar o‘rtasida sog‘lom ma’naviy muhitni shakllantirishga qaratilgan profilaktik tadbir tashkil etildi.
Tadbirda tuman hokimi o‘rinbosari, Oila va xotin-qizlar bo‘limi boshlig‘i D.Ablamitova, IIB YHXB katta inspektori G.Turkpenbayevalar ishtirok etib, kuch ishlatish va zo‘ravonlikning kelib chiqish sabablari, uning salbiy oqibatlari va bunday holatlarning erta oldini olish choralari bo‘yicha atroflicha tushuntirish ishlari olib borildi.
Shuningdek, ishtirokchilarga inson huquqlari va qonuniy manfaatlarini himoya qilish, o‘zaro hurmat va bag‘rikenglik muhitini shakllantirish bo‘yicha zarur tavsiyalar berildi.
Tadbir yakunida bunday profilaktik uchrashuvlar huquqiy madaniyatni yuksaltirish, ularni turli salbiy illatlardan asrash va ta’lim muassasalarida xavfsiz muhitni ta’minlashda muhim ahamiyat kasb etishi ta’kidlandi.