“Yangi Oʻzbekiston bunyodkorlari” kasbiy mahorat milliy tanlovi boʻlib oʻtdi
2026-05-26 13:50:00 / Yangiliklar
Qamashi tumanidagi 2-son texnikumda “Yangi Oʻzbekiston bunyodkorlari” kasbiy mahorat milliy tanlovining tuman bosqichi tashkil etildi.
Unda 16 yoshga toʻlgan va 30 yoshdan oshmagan yoshlar oʻz kasbiy bilim va amaliy koʻnikmalarini namoyish etdi. Ishtirokchilar tanlangan yoʻnalishlar boʻyicha nazariy bilimlari bilan bir qatorda amaliy mahoratlarini ham sinovdan oʻtkazdilar.
Yakunda eng yuqori natijalarni qayd etgan gʻoliblar tanlovning viloyat bosqichiga yoʻllanmani qoʻlga kiritdi.
Ta’kidlanganidek, mazkur tanlov yoshlarni kasb-hunarga keng jalb etish, ularning bandligini ta’minlash hamda kelgusida xalqaro “WorldSkills” musobaqalarida munosib ishtirok etishlari uchun muhim maydon vazifasini oʻtaydi.