Qashqadaryo viloyati Qamashi tumani hokimligi

Qamashi tumanida yurtimizda amalga oshirilayotgan islohotlar, yoshlar ta’lim-tarbiyasi, turmush sharoitida ma’naviy holatlarni yanada yaxshilash, shukronalik va ilmga izlanish masalalariga bag‘ishlangan uchrashuv tashkil etildi.

 

Tadbirda Inson huquqlari bo‘yicha vakil (Ombudsman) Qashqadaryo viloyatidagi mintaqaviy vakili Lola Saodatova, tuman Oila va xotin-qizlar bo‘limi boshlig‘i Saida Toshniyozova, Qarshi Davlat texnika universiteti professor-o‘qituvchilari, tuman maktabgacha va maktab ta’limi bo‘limi mudiri Bekzod Mamatqulov, nuroniylar hamda maktablarning ma’naviy-ma’rifiy ishlari bo‘yicha direktor o‘rinbosarlari ishtirok etdi.

 

Yoshlarda ilmga chanqoqlikni oshirish, ta’lim-tarbiya jarayonida ma’naviy qadriyatlarni mustahkamlash, jamiyatda shukronalik tuyg‘usini keng yoyish va turmush tarzida ma’naviy muhitni yanada yuksaltirish masalalariga e'tibor qaratildi.

 

Tadbir yakunida ishtirokchilar yoshlar tarbiyasida oila, ta’lim muassasalari va jamiyatning hamkorligi muhim ahamiyat kasb etishini ta’kidlab, bu borada amalga oshirilayotgan islohotlarning samaradorligini oshirishga qaratilgan taklif va mulohazalarini bildirdilar.