Qamashi tumanida sudya va yoshlar uchrashuvi bo‘lib o‘tdi
2025-12-25 10:50:00 / Yangiliklar
Qamashi tumani Sohibkor mahallasida jinoyat va ma’muriy huquqbuzarliklar tushunchalari, ularning jamiyat va shaxs hayotidagi salbiy oqibatlari mavzusida uchrashuv tashkil etildi.
Tadbirda Jinoyat ishlari bo‘yicha Qamashi tuman sudi raisi A. O‘ralov, tergov sudyasi S. Ramazanov hamda Yoshlar ishlari bo‘limi rahbari B. Turdiyev ishtirok etdi.
Uchrashuv davomida yoshlar o‘rtasida huquqiy savodxonlikni oshirish, huquqbuzarliklarning oldini olish, qonunlarga hurmat va mas’uliyatni kuchaytirish masalalari muhokama qilindi. Shuningdek, jinoyat va ma’muriy huquqbuzarliklarning shaxs hayotiga, oilaga va jamiyat taraqqiyotiga salbiy ta’siri haqida atroflicha tushuntirishlar berildi.